ពិធីប្រកាសជ័យលាភីនិងប្រគល់ពានជូនដល់បេក្ខជនកម្មវិធីប្រកួតប្រជែងស្នាដៃ នៃតំបន់ឆ្នេរសមុទ្រកម្ពុជា
កំពត៖ នៅថ្ងៃទី 22 ខែមករាឆ្នាំ 2025 វេលាម៉ោង 5:00 នាទីល្ងាចនេះ ក្រោមអធិបតីភាពឯកឧត្តមបណ្ឌិត សាយ សំអាល់ ឧបនាយករដ្ឋមន្ត្រី និង រដ្ឋមន្ត្រីក្រសួងរៀបចំដែនដី នគររូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រងនិងអភិវឌ្ឍន៍តំបន់ឆ្នេរសមុទ្រកម្ពុជា បានប្រារពពិធីប្រកាសជ័យលាភីនិងប្រគល់ពានជូនដល់អ្នកឈ្នះក្នុងកម្មវិធីប្រកួតប្រជែងស្នាដៃរចនាគម្រោងប្លង់នគរូបនីយកម្មតំបន់ឆ្នេរសមុទ្រកម្ពុជា។ កម្មវិធីប្រឡងប្រណាំងឆ្នេរខ្សាច់កម្សាន្តស្អាតនិងព្រែកកម្សាន្តស្អាត និងកម្មវិធីប្រឡងប្រណាំងវីដេអូខ្លីរឿង “មាតុភូមិខ្ញុំឆ្នេរស្អាតនិងព្រែកស្អាត”។
ការប្រកួតប្រជែងនិងការប្រឡងទាំងនេះ គោលបំណងសំខាន់គឺដើម្បីស្វែងរកនិងលើកកម្ពស់ការរចនាផែនការនគរូបនីយកម្មថ្មីៗសម្រាប់តំបន់ឆ្នេរសមុទ្រកម្ពុជា ប្រកបដោយការអភិវឌ្ឍន៍ដែលចូលរួមនូវការរក្សាទុកធម្មជាតិ និងបរិស្ថាន។
ពិធីនេះត្រូវបានធ្វើឡើងនៅផ្ទះលំហែនិងភោជនីយដ្ឋានឆ្នេរចុងប៉ូច ដែលជាទីកន្លែងល្អឥតខ្ចោះសម្រាប់បរិយាកាសនៃការអញ្ជើញអ្នកចូលរួមពីមហាជនគ្រប់ទិសទី។
ជ័យលាភីក្នុងកម្មវិធីរចនាគម្រោងប្លង់នគរូបនីយកម្មតំបន់ឆ្នេរសមុទ្រកម្ពុជាបានដាក់ឲ្យមានការពង្រឹងការរចនាស្ថាបត្យកម្មតំបន់ឆ្នេរ ដើម្បីធានាថាទីតាំងទាំងនេះនឹងក្លាយជាកន្លែងទេសចរណ៍ទាក់ទាញដែលទំនាក់ទំនងប្រកបដោយការរក្សាទុកធម្មជាតិ និងការអភិវឌ្ឍន៍ប្រកបដោយការយកចិត្តទុកដាក់។
អ្នកឈ្នះក្នុងកម្មវិធីប្រឡងប្រណាំងឆ្នេរខ្សាច់កម្សាន្តស្អាតនិងព្រែកកម្សាន្តស្អាត បានបង្ហាញពីការតម្រង់ប្លង់ឆ្នេរដែលសាកសមនឹងការអភិវឌ្ឍន៍សេដ្ឋកិច្ច និងកម្សាន្តក្នុងតំបន់សមុទ្រ។
សម្រាប់កម្មវិធីប្រឡងប្រណាំងវីដេអូខ្លីរឿង “មាតុភូមិខ្ញុំឆ្នេរស្អាតនិងព្រែកស្អាត” គឺបានបង្ហាញពីវិធីដែលប៉ះពាល់ដល់ជីវិតប្រចាំថ្ងៃរបស់ប្រជាជននិងវិធីដែលពួកគេអាចធ្វើឲ្យធម្មជាតិកាន់តែស្អាត និងគ្រប់គ្រងធនធានសមុទ្របានល្អប្រសើរ។
ការប្រកួតប្រជែង និងកម្មវិធីប្រឡងទាំងនេះ ក៏មានគោលបំណងដើម្បីធ្វើឲ្យកម្ពុជាក្លាយជាគោលដៅទេសចរណ៍សកល ដែលលើកទឹកចិត្តការអភិវឌ្ឍន៍ល្អប្រសើរនៅតំបន់ឆ្នេរ និងការពារបរិស្ថានប្រកបដោយចីរភាព។
អត្ថបទដោយ៖ ហូរ មុនីវ័ន្ត
