ក្នុងដំណើរអញ្ជើញចុះពិនិត្យប្រព័ន្ធធារាសាស្ត្រ ព្រែកពោធិ ស្ថិតក្នុងស្រុកស្រីសន្ធរ នៅព្រឹកថ្ងៃទី៣០ ខែមករា ឆ្នាំ២០២៥ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានឆ្លៀតដឹកនាំក្រុមការងារ អញ្ជើញចុះជួបសួរសុខទុក្ខបងប្អូនអាជីវករផ្សារព្រែកដំបូក។
គួរបញ្ជាក់ថា ផ្សារព្រែកដំបូក ក្រោយពីឯកឧត្តមអភិបាលខេត្ត បង្កើតគណៈកម្មការធ្វើការដោះស្រាយទំនាស់រ៉ាំរ៉ៃជាច្រើនឆ្នាំ រហូតទទួលបានជោគជ័យ ក្រោមយុទ្ធសាស្ត្រឈ្នះឈ្នះរួចមក បានបង្កលក្ខណៈឲ្យបងប្អូនអាជីវករ បន្តអាជីវកម្ម ប្រកបដោយសាមគ្គីភាព ផ្សារមានការអភិវឌ្ឍគួរឲ្យកត់សម្គាល់។
