ព័ត៌មានខ្លី៖ នេះជាលើកទី១ គិតចាប់តាំងពីឆ្នាំ១៩៦៣ ដែលអ្នកដំណើរទាំងអស់ នៅក្នុងយានទៅកាន់ទីអវកាសសុទ្ធសឹងជាមនុស្សស្រី ធ្វើដំណើរកម្សាន្ត បែបទេសចរណ៍ ក្នុងលំហអវកាសជាមួយយានរបស់ក្រុមហ៊ុន Blue Origin របស់មហាសេដ្ឋី Jeff Bezos ។
កាលពីថ្ងៃចន្ទសប្តាហ៍មុន យានអវកាសឯកជន ១គ្រឿង បានដឹកអ្នកដំណើរស្រីជនជាតិអាមេរិក ចំនួន ៦នាក់ ដែលមានតារាចម្រៀងអាមេរិកដ៏ល្បីល្បាញ Katy Perry , អ្នកស្រី Lauren Sánchez គូដណ្តឹងរបស់មហាសេដ្ឋី Jeff Bezos អគ្គនាយកក្រុមហ៊ុន Amazon និង Blue Origin ដែលជាអ្នកផ្តួចផ្តើមគំនិត ឲ្យមានការធ្វើដំណើរជាក្រុមនេះឡើង។
